Fara yfir á efnissvæði
Opna/loka valmynd
Shb9 á Facebook 527-7600
Sálfræðingar Höfðabakka
Reynar Kári Bjarnason

Sálfræðingur hjá Líf og sál ehf.

511-5508

Reynar Kári Bjarnason

Reynar Kári sinnir meðferðar- og ráðgjafarvinnu fullorðinna. Hann hefur unnið mikið með ungu fólki, m.a. að áfengis og vímuefnamálum, unnið með íþróttasálfræði, kvíða, áráttu og þráhyggju, tölvufíkn, streitu, álag, þunglyndi, samskipti og einelti á vinnustöðum.

Reynar hefur starfað hjá Líf og sál sálfræðistofu ehf. frá árinu 2012.  Líf og sál ehf. sinnir fræðslu, námskeiðahaldi, ráðgjöf og úttektum á vinnustöðum (eineltisúttektir og vinnustaðagreiningar), ásamt meðferð einstaklinga við kvíða, þunglyndi, streitu og fleira.

Reynar gerðist meðeigandi hjá Líf og sál sálfræðistofu árið 2014.    

 

Menntun
BS-próf í sálarfræði frá Háskóla Íslands árið 2010.
Lokaverkefni: Tengsl persónuleika og AA-fundasóknar við edrútíma.
Cand.psych.próf í sálarfræði frá Háskóla Íslands árið 2012
Lokaverkefni: Hugsanastjórn í áráttu-og þráhyggju: Að fjarlægja uppáþrengjandi hugsanir.

Reynar hefur jafnframt sótt fjölda námskeiða á sviði vinnuverndar og klínískrar sálfræði hérlendis og erlendis.

 

Verkefni
Reynar Kári heldur fyrirlestra og námskeið um samskipti á vinnustöðum, starfsanda, einelti, streitu, álag, breytingar og fleira tengt andlegum og félagslegum þáttum á vinnustað. Hann vinnur mikið í eineltisúttektum og vinnustaðagreiningum fyrir vinnustaði.

 

Trúnaðarstörf

Reynar Kári er meðlimur í Sálfræðingafélagi Íslands og Félagi sjálfstætt starfandi sálfræðinga. Reynar situr í fræðslunefnd Sjálfstætt starfandi sálfræðinga.

 

Nánari upplýsingar um Reynar Kára má finna inni á www.lifogsal.is